Gobierno Vasco

Oharrak

Batxilergoko ikasleek IKT ikasgaian proiektu berria martxan jarriko dute: inguruko enpresa eta erakunde desberdinen webguneak diseinatu eta kudeatuko dituzte

 

IKT (informazioaren kudeaketa eta trataera) ikasgaian Ondarroa BHIko Batxilergoko ikasleek webgune erreal bat sortu, diseinatu eta mantendu beharko dute. Horretarako, herriko hainbat negozio, erakunde eta partikularrekin egon ondoren, ikasle bakoitzari bezero bat egokitu zaio eta honen webgunearen kudeaketa eraman beharko du.

 

2016-17 ikasturtean 58 webgune izango dira guztira. Zerrenda ikusteko klikatu hemen.

 

Proiektua urtarrilean hasiko da eta atal ezberdinak izango ditu:

1- Aurkezpena: Ikaslea bezeroarekin egongo da eta webgunea sortzeko informazioa jasoko du (datuak, argazkiak, bideoak, etab).

2- Diseinua: Ikasleak webgunea diseinatuko du. Prozesuan bezeroaren eskaerei aurre egin beharko dio.

3- Publikatzea: Webgunea prest dagoenean ikasleak publikatu egingo du.

4- Mantenua: Ikasleak bezeroak eskatutako aldaketak edo zuzenketak aplikatuko ditu.

 

Sortutako webguneak mantenu gabe geratu ez daitezen hurrengo ikasturteetan proiektu honekin jarraituko da. 1.mailako ikasleek 2.mailan jarraituko dute eta 1.mailara datozen ikasle berriek libre geratu diren webguneak jasoko dituzte. Gainera, proiektua beste bezero berriei irekita egongo da.

 

Proiektu honek hainbat helburu ditu:

  • Ikasleak webgune baten sorreraz eta kudeaketaz arduratzea.

  • Ikasleen mundu laboraleko erronka erreal bati aurre egitea.

  • Gure ikasleak herrigintzan parte hartzea herriko negozio eta erakundeei ahal den neurrian lagunduz.

 

DBHko ikasleek ,Teknologia ikasgaian, proiektu desberdinak garatu dituzte

Xiker Goikoetxea Amallobieta Ondarroa BHIko DBH1-ko ikaslea dugu. Zaldupetik Institutura etorri berri den ikasle bat izateaz gain, berak eginiko esku robotiko hidrauliko ezinhobe bat ikusteko aukera eman digu.

Xikerri eginiko elkarrizketa osoa hemen         

Hemen proiektuetako grabazio guztiak.

Azken hilean, Haur Hezkuntzako Heziketa Zikloko ikasleek ekintza osagarri desberdinetan parte hartu dute

 

 

IKAS KOMUNITATEAK

Haur Hezkuntzako ikasleek ikas komunitateei buruzko hitzaldia izan zuten abenduaren batean. Lekeitioko institutuko Xabier Iturbe izan zen hizlaria eta gizarte aldaketatik, Europako ekarpenetatik barrena, Lekeitioko adibideraino jardun zuen haur eskola eta ikas komunitatearen arteko eragin eta erlazioak azalduz.
Bertan, ikastetxeko ateak ireki eta ikastetxea gure auzo eta herrietako parte izatearen garrantzia azpimarratu zuen, herritik eta herriarentzako. Horretarako, herriko ekitaldietan parte hartu, herriko eragileekin harremanak sendotu eta zubiak eraiki behar dira, eta era berean, ikastetxeko ateak herritarrei ireki. 

 

 

DURANGOKO AZOKA

Haur hezkuntzako ikasleeak Durangoko azokako  hainbat material ikuskatzen.Bertan  haur literatura eta jostailu nobedadeak aurkituz.

 

 

 

 

 

 

 

LOCZY-RI BURUZKO HITZALDIA

Haur Hezkuntzako ikasleek Loczy-ri buruzko hitzaldia izan zuten abenduaren 15ean. Patzuergoko Haur Eskoletan lan egiten duen Ainhoa Aranburu Tobar izan zen hizlaria. Honek Emmi Pikler sortutako eredu pedagogikoari (Loczy hain zuzen) buruz hitz egin zigun.

Piklerren hitzetan, haurrarenganako begirada enpatikoak, hots, bizitzako lehenengo momentutik haurra pertsona bezala hartzeak garrantzia izugarria du. Honako agindu edo argibideak azaldu zigun:
- “Errespetua izan behar zaio haurraren izate osoari
- “Konfiantza izan haurraren berezko gaitasunetan.

- “Gorputza zaintzeko uneetan ere haurra aktiboa da

“Prozesuak ez aurreratu.

- “Haurrak bere kasa dagoenean, helduaren gertuko distantzia behar du.

 

- “Mugimendu autonomo librea da L√≤czy-ko altxorra. "Lotura afektiboaren garrantzia".
- "Jarreren eta mugimenduen deskribapena".

 

 


 

       

Atzerrian hizkuntzako ikastaroak egiteko plazak - 2017ko uda

© Ondarroa Bigarren Hezkuntzako Institutua
Telefonoa: 946830098 | Fax: 946831921 | 015623aa@hezkuntza.net